No dem Desaster bei der Descente huet sech d'Maria Riesch zum Schluss awer nach an der Kombinatioun Gold geholl. Scheinbar huet hatt e Patzer gebraucht, fir dann an Héichform géint seng Rivalin Lindsey Vonn ze punkten.

24 Stonnen no der Enttäuschung iwwert eng Plaz 8 an der Descente huet d'Slalom-Weltmeeschterin an der Alpin-Kombinatioun déi véiert Goldmedail fir déi däitsch Olympia-Équipe gewonnen. “Gold ass einfach den Hummer, ech wousst dass ech gutt drop sinn”, freet sech dat 25-Jäeregt am Zil.

Mat engem spektakuläre Slalomlaf war d'Riesch, dat virun der Descente nach op Plaz Zwee war,  sämtleche Konkurrentinnen  dervungefuer an huet déi éischt däitsch Alpin-Medail bei Olympia zanter dem Martina Ertl am Joer 2002 gewonn.