Wéinst dem staarke Schnéi, deen den Ament an der Regioun Bréissel erofgeet, hunn déi belsch Autoritéiten d'Autobunne fir Gefierer iwwer 3,5 Tonne gespaart. Ab 15.30 Auer ginn deemno sämtlech Camionen ab dem Grenziwwergank Sterpenich gestoppt a gi bis op Weideres op de Parking guidéiert, fir do op der Pannespuer laanscht d'Autobunn ze stationéieren.

Wéi laang dës Moossnam sech wäert hinzéien, ass net gewosst. Automobilisten, déi um Feierowend op der Autobunn A6 wäerten ënnerwee sinn, sollte sech deemno a Richtung Belsch op Zéifloss an eventuell och Stau ariichten.