D'Police huet matgedeelt, dass e Samschden, 6. Februar, eng weiblech Läich an enger Wunneng zu Esch/Uelzecht fonnt ginn ass. Géint 18.40 Auer huet d'Police d'Läich vun der 36-jäereger Portugisin um Rez-de-chaussée vun engem Eefamilljenhaus, um Boulevard J.-F. Kennedy, opfonnt.

Iwwert déi genee Doudesursaach ass nach näischt gewosst, de Parquet huet deemno eng Autopsie vum Affer ugefuerdert. Op der Plaz waren d'Police vun Esch/Uelzecht, den SPJ Crime Général, den SPJ Police Technique, de SAMU an d'Pompjeeë vun Esch/Uelzecht.