E Mann huet am Norde vun Australien eng selwergebastelt Bomm aus Benzin a Feierwierkskierper an engem Akafszenter gezünt. 13 Mënsche sinn dobäi blesséiert ginn an d'Gebai ass no dr Explosioun direkt evakuéiert ginn. De Verdächtegen huet sech der Police no senger Dot gestallt.

D'Explosioun huet sech géint 11.00 Auer zu Darwin ereegent. Déi blesséiert Leit sinn dann och direkt an dat nächste Spidol ageliwwert ginn. Déi meescht vun den Affer hate Schnëttverletzungen, Verbrennungen oder eng Dampvergëftung. Der Police no, ass awer keent vun den Affer schwéier verwonnt.